Shkolla e Ungjillizimit dhe Dishepullizimit (SUD) ofron programe trajnimi për të gjithë. Kurset janë koncize, praktike, biblikisht të shëndosha, dhe mësohen në traditën Pentekostale. Do të merrni një hyrje në jetën e Jezu Krishtit and një themel të fortë biblik për të ndihmuar besimtarët e rinj të ndjekin Krishtin. Madje do të kuptoni më të thellë çfarë do të thotë t’i shërbeni familjes, kishës dhe komunitetit tuaj.
Programet e dishepullizimit ndahen sipas dy degëve: Jeta e Krishterë dhe Shërbesa e Krishterë. Secila degë është e ndarë në katër kategori, të cilat grupohen bazuar në tematikën e tyre për ta ndihmuar studentin t’i zgjedhë kurset sipas nevojës ose interesit të tij/saj më të madh.
Dega mbi JETËN E KRISHTERË është për besimtarët e rinj në Jezusin. Kush është Jezusi në të vërtetë? Si duhet të lutem unë? Si duhet ta studioj Biblën? Çfarë besojnë të krishterët? Të 18 kurset e kësaj serie i përgjigjen këtyre pyetjeve dhe shumë të tjerave. Kjo do të ndihmojë në krijimin e një themeli të besimit tuaj dhe do t’ju mësojë që të zhvilloni marrëdhënien tuaj me Perëndinë, doktrinën, karakterin dhe shërbesën tuaj.
Dega mbi SHËRBESËN E KRISHTERË shërben për t’i përforcuar besimtarët që dëshirojnë që të pajisen për t’i shërbyer Zotit në kishat e tyre lokale. Çdo kishë ka nevojë për punëtorë të trajnuar mirë që janë të aftë për ta ndërtuar trupin e Krishtit. Të 18 kurset e kësaj serie janë hartuar për t’ju pajisur ju në fushat e ungjillzimit, zhvillimit frymëror, mësimdhënies, predikimit, shërbesës praktike, misionit, dhe më shumë.
Universiteti Global ofron një shumëllojshmëri programesh arsimore në distancë, me kosto të ulët, për t’ju ndihmuar të rriteni në besimin tuaj në Jezus Krishtin. Për çdo koment ose për të kërkuar informacione të mëtejshme, ju lutemi na kontaktoni. Mezi presim të dëgjojmë prej jush!
Pyetje? Plotësoni formularin për të kërkuar më shumë informacion.